Уфа 2021 елда хатын-кызлар арасында хоккей буенча дөнья чемпионатын кабул итә

Уфада 2021 елда хатын-кызлар арасында хоккей буенча дөнья чемпионаты узачак. Русия Хоккей федерациясе президенты Владислав Третьяк бу турыда журналистларга сөйләгән.

Ул турнир матчларының «Уфа-Арена» да һәм Уфаның Спорт Сараенда узачагын билгеләп үтте.

«Карар кабул ителгән инде, 2021 елда дөнья чемпионаты тәгаен Уфада узачак. Барлык катнашучыларны кунакчыл кабул итү өчен без кулдан килгәннең барысын да эшләячәкбез», — диде Владислав Третьяк.

“Татар-информ” мәгълүмат агентлыгы.

Габдулла Вафин әзерләде.