Сургутта берьюлы ике юбилей билгеләп үтеләчәк

Сургутта берьюлы ике зур юбилейны бәйрәм итәчәкләр. Бу хакта Бөтендөнья татар конгрессының матбугат хезмәте хәбәр итә.

Быел Сургут шәһәре татар милли-мәдәни мохтарияте үзенең 20 еллыгын, «Сандугач» җыр-бию ансамбле 35 еллыгын билгеләп үтә. Шул уңайдан 1 декабрь көнне 17:00 сәгатьтә Театр СурГУ бинасы концертлар залында бәйрәм чарасы узачак.

Бәйрәм кунаклары: Диләрә Илалетдинова, Илнур Мусин, Виталий Агапов җитәкчелегендә керәшен татарлары «Карендәшләр» фольклор ансамбле һ.б.

«Татар-информ» мәгълүмат агентлыгы.

Габдулла Вафин әзерләде.