Русия Яшьләр арасында хоккей буенча Дөнья чемпионатында икенче урынны яулады

Кичә Чехиянең Острава шәһәрендә узган Яшьләр арасында хоккей буенча Дөнья чемпионатында Русия җыелма командасы икенче урынны яулады. Финалда Русия хоккейчылары Канада җыелмасына каршы көч сынашты.

Финалга барып җитәр алдыннан, Русия В төркеме уеннары этабын үтте: Чехия — Русия (4:3), Русия — Канада (6:0), США — Русия (3:1), Русия — Германия (6:1).

Чирек финалда Русия Швейцарияне 3:1 исәбе белән җиңде. Ярым финал: Швеция — Русия (4:5). Финалда Русия 4:3 исәбе белән Канадага җиңелде һәм көмеш медальләргә ия булды. Чемпионатта өченче урынны Швеция яулады.

Русия — Канада уенында Русия җыелма командасы өчен алка керттеләр: Никита Александров, Григорий Денисенко, Максим Соркин.

Әлеге чемпионатта 20 яшькә кадәр хоккейчылар катнаша.

“Татар-информ” мәгълүмат агентлыгы.

Габдулла Вафин әзерләде.