Путин Медведевны Иминлек Советы Рәисе урынбасары итеп билгеләде

Русия Президенты Владимир Путин премьер-министр постын моңа кадәр башкарган Дмитрий Медведевны Иминлек Советы Рәисе урынбасары итеп билгеләде. Бу хакта РИА Новости хәбәр итә.

Тиешле указ Кремль сайтында урнаштырылган.

Кичә Дмитрий Медведев Президент тәкъдим иткән Конституциягә кертелгән үзгәрешләр белән бәйле рәвештә хөкүмәтнең тулы составта отставкага китүе турында игълан итте.

“Татар-информ” мәгълүмат агентлыгы.

Габдулла Вафин әзерләде.