Путин Марат Хөснуллинны вице-премьер итеп билгеләүне раслады

Русия Президенты Марат Хөснуллинны РФ Хөкүмәте вице-премьеры итеп билгеләп куюны раслады. Бу хакта Мәскәү Кремле сайтындагы указда әйтелә.

«...Хөснуллин Марат Шакирҗан улын Русия Федерациясе Хөкүмәте Рәисе урынбасары итеп билгеләргә», - диелгән указда.

Шулай ук РФ Хөкүмәтенең беренче вице-премьеры итеп Андрей Белоусов, вице-премьер — Хөкүмәт Аппараты башлыгы итеп Дмитрий Григоренко билгеләнде.

Виктория Абрамченко, Алексей Оверчук, Дмитрий Чернышенко вице-премьерлар итеп билгеләнде.

Шулай ук Татьяна Голикова һәм Юрий Борисов вице-премьер статусын саклап калдылар. Юрий Трутнев вице-премьер — Россия Федерациясе Президентының Ерак Көнчыгыш федераль округында Тулы вәкаләтле вәкиле вазифасын саклап калды.

«Татар-информ» мәгълүмат агентлыгы.

Габдулла Вафин әзерләде.