Февраль янә аномаль җылы булачак

Русиянең күпчелек өлешендә февраль ае гыйнвар ае кебек аномаль җылы булачак. Бу хакта «Фобос» үзәге сайтында хәбәр ителә.

Илнең төньяк-көнчыгышында гына метеорологлар аномаль салкыннарны көтә. Анда температура гадәттәгедән 2 градуска түбәнрәк булырга мөмкин.

«Калган территориядә сезонга хас булмаган җылы һава торышы көтелә, уртача алганда, нормадан 2-4 градуска югарырак була», - дип билгеләп үтә синоптиклар.

«Татар-информ» мәгълүмат агентлыгы,

Габдулла Вафин әзерләде.