“Татар Штабы” Зифа Кадыйрованы Мәскәүгә очрашуга чакырды

«Татар Штабы» Зифа Кадыйрованы Мәскәүгә очрашуга чакырды. Бу хакта Бөтендөнья татар конгрессы матбугат хезмәте хәбәр итә.

«Татар Штабы» активистлары Зифа Кадыйрованың китапларын күпләп сатып алды һәм язучыны Россия башкаласына очрашуга чакырдылар.

«Зифа Кадыйрова әсәрләрендә әхлак, катнаш никах, эчкечелек, наркомания, атасызлык, таркалган гаиләләр проблемасы күтәрелә. Бу күренешләр, кызганыч, татар милләтенең дә төп бәлаләренең берсенә әйләнә бара. Зифа Кадыйрова әсәрләре белән халкыбызны тәрбияли, геройлары аша укучыга гыйбрәт күрсәтә», - ди Татар штабы активисты.

Бу елда «Татар Штабы» катнаш никах проблемасына багышланган берничә проект эшләргә планлаштыра.

“Татар-информ” мәгълүмат агентлыгы.

Габдулла Вафин әзерләде.