Мәскәү, Казан, Уфа урамнарын генерал Мәхмүт Гәрәев исеме белән атарга тәкъдим иттеләр

«Мәскәү татарлары штабы» вәкилләре Мәскәү, Казан, Уфа, Чиләбе һәм Ташкент хакимиятләренә Мәхмүт Гәрәев хөрмәтенә шәһәрләрнең бер урамын үзгәртү тәкъдиме белән мөрәҗәгать итәләр. Бу шәһәрләрнең барысы да армия генералы белән бәйле — биредә ул туган, үскән, укыган, хезмәт иткән. Бу хакта «Мәскәү татарлары Штабы» матбугат хезмәте хәбәр итә.

Штабта совет һәм Русия Хәрби башлыгы, тарих һәм юридик фәннәр докторы Мәхмүт Гәрәевны искә алу кичәсе булды (1923-2019).

Чара Мәскәүнең татар җәмәгатьчелеге — күренекле галимнәр, җәмәгать эшлеклеләре, хәрби, язучылар, шулай ук генералның дуслары һәм укучылары катнашында узды.

Армия генералы Мәхмүт Гәрәев 2019 елның 25 декабрендә 96 яшендә вафат булды.

«Татар-информ» мәгълүмат агентлыгы.

Габдулла Вафин әзерләде.