Чита татар җәмгыяте вәкиле Ринат Абдулагапов чаңгы буенча төбәк ярышларында җиңде

2020 елның мартында Ринат Абдулагапов «Чаңгы ярыммарафоны-2020» төбәк ярышларында 15 километрлы дистанцияне 47 минут 12 секунд эчендә узып, 50-59 яшьлек ир-атлар арасында беренче урынны яулады. Бу хакта Бөтендөнья татар конгрессының матбугат хезмәте хәбәр итә.

Спорт чарасы Бөек Ватан сугышында Җиңүнең 75 еллыгы уңаеннан оештырылган иде.

«Ринат Абдулагапов, Чита шәһәре татар җәмгыятен тәкъдим итеп, спортның күп кенә төрләрендә актив катнаша. 2019 елда ул Байкал арты халыкларының җәйге спартакиадасында уңышлы чыгыш ясаган спортчыларның берсе булды. Ринат Абдулагапов әлеге ярышларда „Батыр“ командасын лаеклы төстә тәкъдим итте», дип яза Таһир Әгъләмов.

«Татар-информ» мәгълүмат агентлыгы.

Габдулла Вафин әзерләде.