Русиянең кайбер төбәкләрендә корылык булуы турында кисәтәләр

Русиянең кайбер төбәкләренә яз көне корылык булуы ихтимал. Русия Гидрометеорология үзәге фәнни җитәкчесе Роман Вильфанд шул турыда әйтте. Бу хакта ТАСС хәбәр итә.

Калуга, Смоленск, Курск, Әстерхан, Брянск, Орел, Белгород һәм Липецк өлкәләрендә, Краснодар краенда һәм Кырымда туфрак корылыгы өчен шартлар формалашты, дип искәртә Вильфанд.

Аның сүзләренчә, бу төбәкләрдә явым-төшем нормадан шактый түбән: күбесендә тиешле норманың 35 процентыннан артмаган. Әстерхан өлкәсендә — 26, Кырымда 25 процент күләмендә генә явым-төшем булган.

Май аенда явым-төшем җитәрлек булса, вазгыять көйләнергә мөмкин, шуңа күрә метеорологлар әлегә уңыш буенча төгәл фараз бирми.

«Татар-информ» мәгълүмат агентлыгы.

Габдулла Вафин әзерләде.