Халык-ара гаилә көнендә республикада 26 пар өйләнешкән

Кияүләр һәм кәләшләр яңа коронавирус пандемиясеннән куркып тормаган, битлек һәм перчатка киеп, Халык-ара гаилә көнендә үзләренең тәүге гаилә документын алырга килгән.

«Коронавирус инфекциясенең таралуына юл куймас өчен ЗАГС бүлекчәләрендә чикләү чаралары күрелгән, никахлар кунакларсыз теркәлә. Бүген бөтен бәхетле парларга «Без Халык-ара гаилә көнендә өйләнештек» дигән котлау открыткалары тапшырылды», — дип хәбәр иттеләр республика Юстиция эшләре буенча дәүләт комитетының матбугат хемәтеннән.

“Башинформ” мәгълүмат агентлыгы.

Габдулла Вафин әзерләде.