Республикага 30 градуслык эсселек һәм яшенле яңгырлар килә

Алдагы көннәрдә Башгидрометүзәк синоптиклары 30 градуслык эсселек, койма яңгырлар һәм яшен булуын фаразлый.

Бүген, 26 майда, республиканың кайсыбер райондарында һава +29 градускача җылына. Җил төньяк-көнбатыштан, юнәлешен көнчыгышка үзгәртеп талгын.

Чәршәмбе, 27 майда, кыска вакытлы яңгырлар һәм яшен көтелә. Җил көньяк-көнчыгыштан талгын, урыны белән көчәючән. Төнлә термометр баганасы +9, +14, көндез +31 градуска тиклем күтәрелә.

Пәнҗешәмбе, 28 майда, һава торышы әллә ни үзгәрми. Яшенле яңгыр явуы ихтимал. Җил көньяк-көнчыгыштан юнәлешен үзгәртеп талгын, урыны белән кискен. Һава температурасы төнлә 12-17 градус җылы, көндез +21, +26, көньякта +31 градуска тиклем.

“Башинформ” мәгълүмат агентлыгы.

Габдулла Вафин әзерләде.