Русиядә коронавирустан массакүләм вакцинацияне көзен ясарга җыеналар

Русиядә Covid-19 яңа коронавирусыннан массакүләм вакцинация бу елның көзендә башланырга мөмкин. Бу хакта Русия вице-премьеры Дмитрий Чернышенко сүзләренә сылтама белән «Интерфакс» хәбәр итә.

«Вакцина өстендә эш тулы көчкә бара, без нәтиҗәләр көтәбез. Белгечләр әйтүенчә, уңышлы булган очракта, көз көне үк массакүләм вакцинация башланачак», — диде Русия Хөкүмәте Рәисе урынбасары.

«Әлегә барыбызга да инфекция куркынычын исәпкә алып яшәргә өйрәнергә кирәк», — диде Дмитрий Чернышенко.

“Башинформ” мәгълүмат агентлыгы.

Габдулла Вафин әзерләде.