Республикада коронавирус йоктыручылар саны 4 113кә җиткән

Тәүлек эчендә алар 96га арткан, дип хәбәр ителә стопкоронавирус.рф порталында.

4 113 кешенең 2 590ы — актив чирле, 1 505е терелгән.

Русия төбәкләрендә соңгы тәүлектә коронавирус йоктыруның 8 595 очрагы расланган, 171 кеше вафат булган. Бер тәүлектә илдә 11 709 кеше терелгән.

Русиядә 485 253 чирле исәпләнә, аларның 242 397се терелгән, 6 142 кеше якты дөнья белән хушлашкан.

“Башинформ” мәгълүмат агентлыгы.

Габдулла Вафин әзерләде.