Республикада коронавирус инфекцияле чирлеләр саны – 4,5 меңнән артык

Тәүлек эчендә алар 61гә арткан.

Саулык саклау министры Максим Забелин республика хөкүмәтендәге оператив киңәшмәдә хәбәр итүенчә, COVID-19 белән авыруларның арту темпы 2,3 процент тәшкил итте. Төбәктә таралу коэффициенты 0,8гә тиң.

Аның сүзләренчә, чирлеләрнең күпчелеге – 26-60 яшьлекләр.

Бүген республикада 1030 кеше стационарда дәвалана, аларның 782се – канәгатьләнерлек хәлдә, 207сенең хәле — уртача авырлыкта, 41е — авыр хәлдә.

Әле 1625 кеше өй шартларында дәвалана. 1874 кеше терелеп чыккан, дип өстәде Башкортстанның Саулык саклау министрлыгы башлыгы.

“Башинформ” мәгълүмат агентлыгы.

Габдулла Вафин әзерләде.