Владимир Путин яңа президентлык срогына катнашу мөмкинлеген кире какмады

Дәүләт башлыгы Владимир Путин Конституциягә тиешле төзәтмәләр кабул ителсә, яңа срокка президентлыкка сайланырга мөмкин булуын кире какмады. Бу хакта ул «Русия. Кремль. Путин» фильмы өчен «Русия-1» каналына биргән интервьюда әйтте.

«Мин үзем өчен бернәрсә дә хәл итмәдем. Әгәр Конституциягә тиешле төзәтмәләр кабул ителсә, янә сайлану мөмкин булуын кире какмыйм», — диде дәүләт башлыгы.

Путин шулай ук дәүләт хезмәткәрләрен үз эшләре белән шөгыльләнергә өндәде. Аңа алмаш эзләргә кирәк түгеллеген әйтте.

Төп законга үзгәрешләр кертү буенча тавыш бирү 1 июльдә узачак.

«Татар-информ» мәгълүмат агентлыгы.

Габдулла Вафин әзерләде.