Русиядә коронавируска 20 миллионнан артык тест үткәрелгән

Русиядә коронавирус инфекциясен ачыклау максатыннан 20 миллионнан артык тест үткәрелгән. 286 мең кеше медицина күзәтүе астында кала, алар яңа төрдәге COVID-19 коронавирусы йоктырган дип шикләнелә. Бу хакта РИА Новости агентлыгы Роспотребнадзорның матбугат хезмәтенә сылтама белән хәбәр итә.

«Русиядә коронавируска 20 миллионнан артык тест үткәрелгән. 286 мең кеше медицина күзәтүе астында кала», - диелә хәбәрдә.

Илдә бер тәүлек эчендә коронавируска 316 мең тест уздырылган.

«Татар-информ» мәгълүмат агентлыгы.

Габдулла Вафин әзерләде.