Аз керемле гаиләләргә балалар бакчасы өчен түләтмәскә тәкъдим иттеләр

Русиядә аз керемле гаиләләрдән балалар бакчасы өчен түләү алмаска тәкъдим иттеләр. Илкүләм ата-аналар комитеты рәисе, РФ Иҗтимагый палатасы әгъзасы Ирина Волынец Дәүләт Думасына шул хактагы инициатива белән чыкты. Бу хакта RT телеканалы хәбәр итә.

Илкүләм ата-аналар комитеты рәисе фаразлавынча, әлеге карар аз керемле һәм балалары булган гаиләләргә сизелерлек ярдәм була алыр иде. Бу айлык керемнәре ике яшәү минимумы күләменнән артмаган гаиләләргә кагыла.

«Татар-информ» мәгълүмат агентлыгы.

Габдулла Вафин әзерләде.