Мәктәпкә җыенырга ярдәм итик!

Акциянең максаты – авыр тормыш хәлендәге гаиләләр балаларына яңа уку елына әзерләнүдә ярдәм күрсәтү. Шулай ук аз тәэмин ителгән ишле һәм тулы булмаган гаиләләр балаларына да.

– Канцелярия товарлары, язу кирәк-яраклары, рюкзаклар, мәктәп формасы, дәреслекләр һ.б рәвешендәге теләсә нинди ярдәмгә шатбыз, – дип ачыклык кертә хезмәт җитәчесе Альбина Таһирова.

Беренче ярдәм бар да инде. Аны “Бәләбәй “Почет билгесе” орденлы сөт комбинаты” җәмгыяте; Русия Эчке эшләр бүлегенең Бәләбәй районы буенча бүлеге, А. Р.Бәхтияров предприятиесе; “Бәләбәй коммуналчысы” предприятиесе; “Бәләбәй электр челтәре” җәмгыяте; “Светофор” автомәктәбе, “Бәләбәй водоканалы” җәмгыяте күрсәттеләр.

Балаларга яңа уку елына әзерләнергә бергә ярдәм итик!

Римма Солтанова материалы буенча Зәйфә Салихова әзерләде.