Чагылыда кошчылык фермасы үсә

Гомум алганда 2020 ел башыннан предприятие 420 мең кош-корт үстереп саткан.

– Әле Чагылыда икенче корпуста ремонт эшләре башкарылды. Саклык банкыннан алынган акчага «Техно» компанияләр төркеме 180 мең баш яшь тавык үстерер өчен читлекләр эшли башлады, – дип сөйләде агрофирма директоры Данил Фәрхетдинов. – Моннан тыш, әле комплексның барлык объектларына газ үткәрү дәвам итә.

Яңа корпуста кош-корт 2021 елның гыйнварыннан асрала башлаячак.

Элекке малчылык корпусын үзгәртеп кору Анновка авыл советында яшәүчеләр өчен алты эш урыны булдыру мөмкинлеге биргән.

Римма Солтанова материалы буенча Зөлфия Гарифуллина әзерләде.