Русия кибетләрендә шикаять кенәгәләре юкка чыгарга мөмкин

Русия кибетләрендә шикаять һәм тәкъдимнәр кенәгәләре юкка чыгарга мөмкин. РФ Сәнәгать һәм сәүдә министрлыгы аларның мәҗбүри булуы искергән дип атады һәм аны ваклап сату кагыйдәләренең яңа редакциясеннән төшереп калдырырга тәкъдим итә. Тиешле карар проекты хокукый актлар проектларының рәсми порталында урнаштырылган.

«Сатучыда икътисадның базар мохитенә хас булмаган конкурентлы мохитне күздә тотмый торган искергән механизм буларак шикаятьләр һәм тәкъдимнәр китабының мәҗбүри булуы турындагы таләпләрне төшереп калдырырга тәкъдим ителә», - дип хәбәр ителә аңлатма язуында.

Әлеге проект «җайга салу гильотинасы»н тормышка ашыру нәтиҗәсендә барлыкка килде. РФ Министрлар Кабинетының бу елның 11 июлендәге карарына бәйле рәвештә, 2021 елдан товарларның аерым төрләрен сату кагыйдәләре үз көчен югалткан, дип табылачак.

«Татар-информ» мәгълүмат агентлыгы.

Габдулла Вафин әзерләде.