Башкортстанда игеннең уңышы 4 миллион тоннадан артуы ихтимал

Бөтен культураларны җыю тәмамлангач, аның 4 миллион тоннандан артып китүе ихтимал. Башкортстан вице-премьеры – авыл хуҗалыгы министры Илшат Фәйзрахманов хөкүмәттәге оператив киңәшмәдә мәйданнарның 80% җыеп алынуы хакында сөйләде. Бу – 1 миллион 415 мең гектар. Уңыш җыю темпы Русиянекенә тап килә.

Республиканың ун районы 100 мең тоннадан артык яңа уңыш җыйган. Мәсәлән, Илеш районында игеннең тулаем җыемы 167 мең тоннадан, Чакмагышта — 159 мең тоннадан, Стәрлетамак районында 155 мең тоннадан күбрәк. Чакмагыш, Илеш, Кырмыскалы, Бүздәк, Дәүләкән, Дүртөйле районнары, гадәттәгечә, иген культуралары уңышы буенча алдынгы урыннарда.

“Башинформ” мәгълүмат агентлыгы. Габдулла Вафин әзерләде.