Башкортстанда октябрь ае койма яңгырлардан башлана

«Гисметео» порталы мәгълүматлары буенча, көзнең икенче аеның тәүге көннәрендә үк яңгырлар башлана, алар кимендә атна буена дәвам итә.

5 октябрьдән соң һава температурасы әкренләп түбәнәя башлый һәм көндез +4, +9 градус була. Төнлә термометр баганасы -1 градускача төшүе ихтимал.

Синоптиклар әлегә беренче кар турында фаразга саклык белән карый. Хәтерегезгә төшерәбез, 2019 елда Уфада тәүге кар 23 сентябрьдә яуган иде.

“Башинформ” мәгълүмат агентлыгы. Габдулла Вафин әзерләде.