Республикада коронавирусның 32нче корбаны: Уфада 34 яшьлек ир вафат булган

Республика Саулык саклау министрлыгыннан хәбәр итүләренчә, мәрхүм башка авырулардан да җәфаланган: симерү, ДВС-синдромы, коронар артерия тромбозы.

Ведомствоның 16 сентябрьгә мәгълүматлары буенча, тәүлек эчендә 32 кеше коронавирус йоктырган. Чирлеләрнең барлык саны 8 286га җиткән. COVID-19 белән авырган 32 пациент стационарда дәвалана. Аларның берсе – авыр хәлдә.

473 кеше амбулатор шартларда дәвалана. Бер тәүлектә 27 кеше хастаханәдән чыгарылган, барлыгы 7 749 кеше терелгән.

Тәүлек эчендә 112 пневмония очрагы теркәлгән.

“Башинформ” мәгълүмат агентлыгы. Габдулла Вафин әзерләде.