Республикада 18 меңнән артык кеше озын гомерле дип исәпләнә

Башкортстанда 60 яшьтән өлкәннәрнең өлеше ел башына 21% тәшкил иткән.

Былтыргы йомгаклар буенча, республикада халыкның гомер озынлыгы күрсәткече – 72 яшь.

2020 елның башында шәһәрләрдә 60 яшьне узган 497 меңгә якын кеше яшәгән, авыл җирендә исә 352 мең кеше булган.

Бөтен дөньядагы кебек үк, олылар арасында хатын-кызлар ир-егетләргә караганда күбрәк. Безнең республикада 60 яшьтән өлкәнрәк 533 мең хатын-кыз һәм 316 мең ир-егет исәпләнә. Ир-егетләрнең азлыгы тәү чиратта алар арасында үлем очракларының югары булуына бәйле. Былтыр республикада ир-егетләрнең һәм хатын-кызларның көтелгән гомер озынлыгы арасында аерма 10,7 яшь тәшкил иткән.

Олы яшьтә булуларына карамастан, никахка керүчеләр дә күп. Мәсәлән, 2019 елда 60 яшьтә һәм аннан өлкәнрәк 700 ир-егет һәм 424 хатын-кыз өйләнешкән. Алар арасыннан 69 ир-егет һәм 43 хатын-кыз беркайчан да никахта тормаган.

2018 елда халыкның яшәү шартларын күзәтү йомгаклары буенча, эшкә сәләтле яшьтәге өлкәннәрнең 68% – үзләренең сәламәтлеген канәгатьләнерлек, 25% артыгы мөшкел дип исәпли. Хаклы ялдагыларның 58% күбрәге хроник чирләрдән җәфалана.

«Башинформ» мәгълүмат агентлыгы. Габдулла Вафин әзерләде.