Башкортстан җитәкчесе хезмәткәрләрне өйдән эшләүгә күчерергә тәкъдим итте

Республика Башлыгы Радий Хәбиров эш бирүчеләргә хезмәткәрләрне өйдән эшләүгә күчерергә тәкъдим итте. Бу хакта ул сишәмбе хөкүмәттәге оператив киңәшмәдә белдерде

«Оешма-предприятие җитәкчеләренә мөмкин булганда кешеләрне читтән торып эшләүгә күчерергә тәкъдим итәм. Әлегә ниндидер процент куймыйм, әйдәгез, тәкъдим рәвешендә кабул итик. Азактан карарбыз», — диде ул.

Радий Хәбиров киң мәгълүмат чараларына коронавируска каршы көрәштә үз эшен көчәйтергә киңәш бирде.

Башкортстан Сәламәтлек саклау министрлыгының оператив мәгълүматлары буенча, республикада коронавирус йоктыручыларның артуы күзәтелә. Тәүлек эчендә — 58 кеше.

Быел яздан алып республикада коронавирус инфекциясе йоктыруның 9 402 очрагы теркәлгән.

«Башинформ» мәгълүмат агентлыгы. Габдулла Вафин әзерләде.

Читайте нас:

Электрон почта

[email protected]

Адресы

452000, Республика Башкортостан, г. Белебей, ул. Мало Луговая, 53А

Редакция

(34786) 3-17-02

Хезмәттәшлек

(34786) 3-08-47

Кадрлар бүлеге

(34786) 4-14-73