Республика рестораннарында корпоративлар һәм банкетлар үткәрү тыела

Башкортстан биләмәсендә яңа коронавирус инфекциясе таралу хәвефенә бәйле югары әзерлек режимын кертү турындагы указга тиешле үзгәрешләр 19 октябрьдә кертелә. «Норма популяр түгел, ләкин без шушы адымга барабыз, — дип белдерде республика җитәкчесе Радий Хәбиров. — Рестораннарда һәм башка туклану урыннарында корпоративлар, ягъни күмәк кеше катнашлыгындагы чаралар үткәрүне тыярга. Корпоративларны, банкетларны – боларның барысын да соңрак вакытка күчерәбез. Безгә үпкәләмәсеннәр. Югыйсә соңыннан шушы рестораннарны яба башларбыз, ә без алай эшләргә теләмибез».

«Башинформ» хәбәр иткәнчә, үткән тәүлектә Башкортстанда янә 68 кешедә COVID-19 ачыкланган. Пандемия башланганнан алып республикада яңа коронавирус инфекциясен йоктыруның 9 809 очрагы теркәлгән.

«Башинформ» мәгълүмат агентлыгы.

Габдулла Вафин әзерләде.