Башкортстанда ноябрь өчен пенсия вакытыннан алда таратыла

Русия Пенсия фондының Башкортстан бүлекчәсендә белдерүләренчә, 4 ноябрь – Халыклар бердәмлеге көнендә таратылырга тиешле пенсия вакытыннан алда, 3 ноябрьдә бирелә.

«Артабан акча билгеләнгән график буенча таратыла. Анык даталары октябрь квитанцияләрендә язылган, – дип өстәделәр Пенсия фондының республика бүлекчәсендә. – Банкларга акча билгеләнгән вакытта – 12 ноябрьдән күчерелә. Быел ноябрьдә түләүләрнең гомум суммасы 18,7 миллиард сум була».

«Башинформ» мәгълүмат агентлыгы. Габдулла Вафин әзерләде.