Республикада мәктәп каникулы 9 ноябрьгә тиклем озайтылды

Республиканың Сәламәтлек саклау министрлыгы, Мәгариф министрлыгы һәм Роспотребнадзор җитәкчеләре укучыларның ял вакытын озайтырга тәкъдим итте.

Хәтерегезгә төшерәбез, СOVID-19 белән бәйле хәлнең катмарлануы аркасында укучылар каникулга бер атнага алданрак – 17 октябрьдә үк чыкты. Укулар киләсе пәнҗешәмбе, 5 ноябрьдә, башланырга тиеш иде. Укучыларны атна азагына тиклем каникулда калдырырга хәл ителде. Алар өчен дәресләр 9 ноябрьдә башлана.

«Без инкубация чорын өзербез һәм балаларыбыз элекке кебек мәктәпкә йөри алыр», – диде Радий Хәбиров.

«Башинформ» мәгълүмат агентлыгы. Габдулла Вафин әзерләде.