Башкортстанда пенсиягә авыл өстәмәсе уртача 1421 сум тәшкил итә

Авыл хуҗалыгында 30 елдан артык эшләп хаклы ялга чыкканнар (хәзерге вакытта эшләмәгән) өчен 2019 елның 1 гыйнварыннан 25% өстәмәгә хокук булдырылды.

Пенсия фондында билгеләүләренчә, авыл хуҗалыгында эш стажын исәпләү өчен Русия хөкүмәте карарында расланган эшләр, производстволар, һөнәрләр, вазыйфалар исемлеге кулланыла. Биш йөздән артык һөнәр буенча колхоз-совхозларда һәм башка авыл хуҗалыгы оешмаларында эшләү исәпкә алына. 1992 елга тиклем эшләү авыл стажына кертелә.

Өстәмәнең уртача суммасы – 1421 сум (шуңа ярашлы, совет чоры авыл хуҗалыгы эшчәненең уртача пенсиясе – якынча 5,7 мең сум, өстәмә белән – 7,2 мең сум чамасы).

«Башинформ» мәгълүмат агентлыгы. Габдулла Вафин әзерләде.