Симптомсыз коронавирус куркынычмы?

Коронавирус авыруының симптомсыз очраклары – иң яхшы вариант, дип белдерде иммунолог-аллерголог Владимир Болибок НСН эфирында. Бу хакта РИА Новости хәбәр итә.

«Инфекциянең симптомсыз очраклары кеше өчен бернәрсә белән дә куркыныч түгел, <…> кеше бернинди авырлыклар дә кичерми, ялкынсынулар һәм тайпылышлар юк», – дип сөйләде табиб.

Болибок сүзләренчә, авыруны симптомсыз йоктыру очракларын авыру дип атап булмый, чөнки организм вирусны йоктыру белән генә чикләнә.

«Татар-информ» мәгълүмат агентлыгы.

Габдулла Вафин әзерләде.