Бәләбәйдә Volkswagen һәм Škoda өчен детальләр чыгарыла башлый

Предприятие Volkswagen һәм Škoda җиңел автомобильләре өчен ел саен тугыз миллион берәмлектән артык беркетү детале чыгарачак. Әле бу детальләр «ФОЛЬКСВАГЕН Груп Рус»ның Калугадагы заводында һәм Түбәнге Новгородтагы подразделениесендә кулланыла. Килешүгә ярашлы, предприятие продукциянең яңа 20 төрен үзләштергән. Алар ныклыкка сынауны уңышлы үткән.

– «Автонормаль» заводының Русиядә «ФОЛЬКСВАГЕН Груп Рус» өчен беркетү детальләре чыгарган тәүге предприятие булуы – җитештерүче өчен дә, Русиядәге тоташ автокомпонентлар тармагы өчен дә зур казаныш. Volkswagen һәм Škoda маркалары стандартлары югары, һәм Русия компонентларын файдалануны локальләштерү кимәлен артабан да арттыруны аңлата, – диде Русиянең сәнәгать һәм сәүдә министры урынбасары Александр Морозов.