Башкортстанда яшәүчеләр 1 декабрьгә тиклем 5,5 миллиард сум салым түләргә тиеш

«Башинформ» хәбәр иткәнчә, республикада физик берәмлекләрнең исәпләп чыгарылган милек салымының һәм НДФЛның гомум суммасы 5,5 миллиард сумнан артыгырак. Шуның 1,78 миллиард сумы уфалыларга туры килә.

Сүз, атап әйткәндә, милек, транспорт һәм җир салымын түләү хакында бара.

Салымны салым түләүченең Шәхси кабинетында, «Физик берәмлекләрнең салымы» мобиль кушымтасында, «Салым һәм пошлина түләү» сервисы ярдәмендә, Бердәм дәүләт хезмәтләре порталы аша, яки терминалларда, банк һәм почта бүлекчәләрендә түләргә мөмкин.

«Башинформ» мәгълүмат агентлыгы. Габдулла Вафин әзерләде.