Бәләбәйгә эш сәфәре белән Радий Хәбиров килде

Башкортстан ит компаниясенең генераль директоры Ринат Зәйнуллин предприятиенең 70 мең квадрат метр мәйдан биләячәге хакында сөйләде. Проектка салыначак инвестицияләрнең гомум күләме 10 млрд сум тирәсе көтелә. Бу проект әлегә республикада иң зурларның берсе санала.

«Таврос» компаниясе үз предприятиесенең дуңгызчылык комплексларында үстерелгән дуңгызлар итен эшкәртергә һәм затлы төркемгә караган колбаса төрләре чыгарырга ниятли. Елына 1 млн баш мал суелачак. «Пландагыча, 1200 эш урыны булдырабыз. Тәүге этапта цехлар төзелә, әлегә ит-колбаса җитештерелми. Компания проект-тикшеренү, вакытлыча электр белән тәэмин итү, вакытлыча автомобиль юлы буенча төзелеш-монтаж эшләре башкаруга һәм төзелеш мәйданчыгы әзерләүгә 100 млн сум акча салды да инде», – дип хәбәр итте Ринат Зәйнуллин. Башкортстан ит компаниясе гамәлдәге инженерлык һәм транспорт инфраструктурасына технологик тоташу мөмкинлеге алу ниятеннән алдан килешү документлары алган да инде.

Рәсимә Сабитова материалы буенча Зөлфия Гарифуллина әзерләде.