Синоптиклар декабрьдә республикада һава торышының үзенчәлекләре турында хәбәр итте

Русия Гидрометүзәге фаразы буенча, республикада кышның тәүге ае гадәттәгедән бер градуска суык булуы көтелә, дип белдерде Башгидромет. Уртача һава температурасының -11,-12 градус (норма -11), явым-төшемнең гадәттәгедән азрак булуы фаразлана.

Декабрьнең беренче атнасында республикада һава торышын «Себер» антициклон перифериясе билгели. Температураның бер төрле булмавы көтелә, аеруча төнге сәгатьләрдә: -13,-20, болытлы булганда -7,-12 градус. Көнчыгыш районнарда -22,-27 градускача суык була, көндез -7,-13, таулы районнарда -14, -17. Гомум алганда, 1 декабрьдән 10ына тиклем уртача һава температурасының нормадан 3-5 градуска түбәнрәк булуы көтелә.

Ай башында әллә ни явым-төшем көтелми. Төнлә һәм иртән урыны белән томан.

«Башинформ» мәгълүмат агентлыгы. Габдулла Вафин әзерләде.