Тагын бер һәйкәл

Уфада Башкортстанның халык шагыйре Назар Нәҗмигә һәйкәл куярга планлаштыралар

Назар Нәҗми (тулы исеме – Хәбибназар Нәҗметдин улы Нәҗметдинов) Уфа губернасы Бөре өязе Минеште авылында туган.

Авылында җиде еллык мәктәпне тәмамлагач, Уфада рабфакта укый. 1938 елда педагогия институтына укырга керә. Өченче курстан, 1941 елда, Бөек Ватан сугышына китә. Күрсәткән батырлыклары өчен ике тапкыр II дәрәҗә Ватан сугышы, Кызыл Йолдыз орденнары белән бүләкләнә.

Сугыштан кайткач Уфада редакцияләрдә эшли. 1962–1969 елларда – Башкортстан Язучылар берлеге рәисе була.

РСФСР дәүләт премиясе һәм республиканың Салават Юлаев исемендәге дәүләт премиясе (1972) лауреаты. 1993 елда аңа Башкортстанның халык шагыйре исеме бирелде.

Назар Нәҗми 1999 елның 6 сентябрендә Уфада вафат була.

Татар теле

Туган җирең Идел буе,

Һәр телнең бар Туган иле.

Туган җирең кебек назлы,

Җырдай моңлы татар теле.

Ак алъяпкыч бәйләсәләр,

Өзелеп тора кызлар биле.

Кызлар кебек шат чырайлы,

Ачык йөзле татар теле.

Халкың кебек уңган да син,

Хезмәттә син көне-төне.

Ир-егетләреңдәй дәртле,

Гайрәтле син, татар теле.

Ассалар да, киссәләр дә

Үлмәдең син, калдың тере.

Чукындырган чагында да

Чукынмадың, татар теле.

Яндың да син, туңдың да син,

Нишләтмәде язмыш сине.

Дөньяда күп нәрсә күрдең,

Әй, мөкатдәс Тукай теле.

Төрмәләргә дә яптылар

Җәлил белән бергә сине.

Төрмәләрдә дә килмешәк

Булмадың син, татар теле.

Зинданнарны ярып чыктың,

Ялкынланып чыктың кире,

Хәтта фашист тегермәне

Тарта алмады анда сине,

Әй син, батыр татар теле!

Наҗар Нәҗми.

Читайте нас:

Электрон почта

[email protected]

Адресы

452000, Республика Башкортостан, г. Белебей, ул. Мало Луговая, 53А

Редакция

(34786) 3-17-02

Хезмәттәшлек

(34786) 3-08-47

Кадрлар бүлеге

(34786) 4-14-73