Сак булыгыз, юлда балалар!

Ел башыннан бирле республика юлларында җиде баланың гомере өзелгән, аларның барысы да пассажир булган

Добавить в предпочтительные источники Google

Бәләбәйдә өч юл-транспорт һәлакәтендә дүрт бала зыян күргән. Ике укучыны Совет урамындагы җәяүлеләр кичүендә автомобиль бәрдергән. Шулай ук Татар гимназиясе янында «зебра»да укучы зыян күргән. Тагын бер бала Бәләбәй-Николевка-Туймазы автомобиль юлындагы юл-транспорт һәлакәтендә имгәнгән. (Ул әнисе белән машинада барган булган).

Сүз уңаеннан шуны да әйтеп үтәргә кирәк, республика автоинспекциясе мәгълүматларына караганда, февраль аенда гына республикада балалар катнашында 48 юл-транспорт һәлакәте теркәлгән, шуларның 29ы пассажир-балалар белән. Балалар катнашындагы калган 19 авария – җәяүлеләрне бәрдерү, аларның 12се җәяүлеләр кичүендә.

– Безнең бурыч – балаларга юл хәвефсезлеге кагыйдәләрен даими рәвештә кабатлап тору, – дип сөйләде пропаганда буенча инспектор Диләрә Шәяпова. – Үзеңнән башларга кирәк. Автомобильгә утыргач хәвефсезлек каешын эләктерү, юл аша яшел төскә һәм җәяүлеләр кичүендә генә чыгу, руль артында тизлек режимын саклау – үзеңнең һәм юл хәрәкәтендә катнашкан башка кешеләрнең гомерен һәм сәламәтлеген саклау дигән сүз.

17 мартта республикада «Игътибар – балалар!» дигән профилактик акция старт алды, ул 9 апрельгә кадәр дәвам итәчәк. ЮХИДИ инспекторларының игътибары балигъ булмаган пассажирларны йөртү кагыйдәләрен бозуга, аерым алганда, балалар өчен махсус җайланмалар куллану (балалар бакчалары һәм мәктәпләр янында профилактик рейдлар үткәреләчәк), шулай ук мәгариф учреждениеләре урнашкан урыннарда юл йөрү кагыйдәләре таләпләрен үтәүгә юнәлтелгән.

Рәсимә Сабитова.

Читайте нас

вк

ок

Партнеры

Фотобанк журналистов РБ

Рубрика "Еда и напитки"

Рубрика "Животные"

Об использовании персональных данных

Зарегистрировано Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01799 от 19 мая 2025 г.

Эл. почта

7belizv@gmail.com

Адрес

452000, Республика Башкортостан, г. Белебей, ул. Мало Луговая, 53А

Редакция

(34786) 3-17-02

Сотрудничество

(34786) 3-08-47

Отдел кадров

(34786) 4-14-73