Радий Хәбиров указга кул куйды

Шушы уңайдан Радий Хәбиров бәйрәм чаралары планын әзерләргә һәм расларга кушты. Муниципалитетларга  «учреждениеләрне, урамнарны, мәйданнарны, җәмәгать биналарын Русия Федерациясенең һәм Башкортстан Республикасының дәүләт символикалары белән бәйрәмчә бизәргә тәкъдим ителде», – диелә документта. Тантаналы чаралар санитар-эпидемиологик таләпләрне үтәп оештырылырга тиеш, дип билгеләнә.

Республиканың шәһәр-районнары хакимиятләренә «торак пунктларда ярминкәләр үткәрү, күчмә бәйрәм сәүдәсен оештыру» бурычы әйтелде.

 «2021 елның 11 октябрендәге бәйрәм дүшәмбегә тап килә. Җомга, 8 октябрьдә, эш көне кыскармый, – дип белдерделәр Хезмәт министрлыгында. –  Шулай итеп, биш көнлек эш атнасында 2021 елның 9, 10 һәм 11 октябре ял көннәре булып тора».

«Башинформ» мәгълүмат агентлыгы.
 
Габдулла Вафин  әзерләде.

Валерий Шахов  фотосы.