Шикәр чөгендерен җыю тәмамланып килә

Татлы тамыр бүгенге көнгә 810 мең тоннадан артык җыелган. Уртача уңыш гектарына 247,6 центнер тәшкил итә. Уфа һәм Кырмыскалы районнарында быел гектарына 336 – 439 центнер уңыш алуга өлгәшкәннәр.

Предприятиеләр яңа уңыш чөгендерен шикәргә эшкәртә дә башлаган. Бүгенгә заводларга 415 меңнән артык  тонна чимал озатылган, 15 мең тонна тирәсе шикәр җитештерелгән.

Гомум алганда быел шикәр чөгендере 16 районда 36,5 мең га мәйданда чәчелгән. Былтыр исә татлы тамыр 28,8 мең га мәйдан биләгән, уртача уңдырышлык 400 ц/га булган. Бу 2019 ел күрсәткечләреннән 10%ка югары. 2020 елгы барлык уңыш 1 млн тоннадан арткан. Быелгы җәйнең үтә эссе торуы һәм корылык бар культураларның да уңышы азаюга китерде.

«Башинформ» мәгълүмат агентлыгы.
 
Габдулла Вафин  әзерләде.

БР Авыл хуҗалыгы министрлыгы фотосы.