Паспортыгызны үзегез белән йөртегез

Моннан ары республикада вакциналау турында сертификат яки коронавирус белән авыру турында белешмә белән сәүдә үзәге,  массаж салоны, солярий, мунча, сауна, фитнес-клубы, бассейн кебек урыннарга кергәндә паспорт та күрсәтергә кирәк булачак.  Моны «Подслушано в Башкирии» тelegram-каналы язган һәм тиешле документ әзерләнеп, Республика йортына кул куярга җибәрелгән дип хәбәр итә.    

«Башинформ» агентлыгы хәбәр итүенчә, кичә, 18 октябрьдә COVID-19 аркасында чикләүләрнең өченче этабы гамәлгә керде. 

«Башинформ» мәгълүмат агентлыгы.
 
Габдулла Вафин  әзерләде.

Фото ачык чыганаклардан алынды.