Башкортстанда соңгы тәүлектә 36 886 кеше коронавирустан прививка ясаткан

БР Сәламәтлек саклау министрлыгыннан белдерүләренчә, 20 октябрьгә карата яңа коронавируслы инфекция йоктыручылар саны 78 805кә тиклем арткан, шуларның 668е соңгы тәүлектә ачыкланган. Хастаханәләрдә медиклар күзәтүе астында 1 033 кеше кала, аларның 652се – 60 яшьтән өлкәннәр. 58 пациент авыр хәлдә дип исәпләнә, ИВЛ аппараты ярдәменә 14 авыру мохтаҗ. Өйдә 7 321 кеше  дәвалана.

68 219 кеше терелеп чыккан, шуларның 648е соңгы тәүлеккә туры килә.

COVID-19дан 37 үлем очрагы теркәлгән. Пандемия башыннан республиканың 2 232 кешесе коронавирус корбаны булган.

«Башинформ» мәгълүмат агентлыгы.
 
Габдулла Вафин  әзерләде.

Фото ачык чыганаклардан алынды.