Күчемсез милеккә хаклар арткан

Башстат мәгълүматлары буенча, беренчел базарда хаклар 2020 елның икенче кварталына карата – 5%, дүртенче кварталына 9,5%  арткан. Икенчел базар агымдагы елның апрель-июненә – 4,2%, үткән елның азагына 8,8% үсеш күрсәткән.

Республика буенча беренчел базарда квадрат метрның уртача хакы беренче кварталда – 71,8 мең сум, икенчесендә – 73,8 мең сум, өченчесендә 77,5 мең сум тәшкил иткән.

Икенчел базарда «квадрат»ның уртача хакы – 63,4, 64,9 һәм 67,7 мең сум.  

Уфада хаклар күпкә югары. «Фатирлар дөньясы» федераль порталы мәгълүматлары буенча, беренчел базарда квадрат метрның уртача хакы өченче кварталда – 93,2  мең сумнан артык.

Уфада беренчел базардагы фатирның уртача хакы – 4,8 миллион сум.

Башкаланың икенчел базарындагы хәл: «квадрат»ның уртача хакы – 82,4 мең сум, фатир – 4,62 миллион сум.

«Башинформ» мәгълүмат агентлыгы.
 
Габдулла Вафин  әзерләде.

Фото ачык чыганаклардан алынды.