«Омикрон» балалар өчен аеруча хәвефле

Тап аларда хастаханәгә салуны таләп иткән бронхиолит күренешләре күзәтелә башлаган, дип хәбәр итте Роспотребнадзорның Үзәк эпидемиология гыйлми-тикшеренү институты директоры урынбасары Александр Горелов.

«Хәзер балалар ешрак чирли, аеруча ике-биш яшьлек балалар өчен хәвефле. Авыру өске тын юлларын һәм бронхларны зарарлый. Тәүге тапкыр бронхиолит күренешләре күзәтелә башлады, бу очракта хастаханәгә салырга кирәк. Һәр өченче баланың эче китә», – дип Гореловның сүзләрен китерә ТАСС.

65 яшьтән өлкәннәр хәвеф төркеменә керә, дип билгеләде ул.

«Башинформ» мәгълүмат агентлыгы.

Габдулла Вафин  әзерләде.

 Фото ачык чыганаклардан алынды.