Радий Хәбиров Семен Елистратовны котлады

«Безнең Семен Елистратов Пекинда шорт-трек буенча 1500 метр дистанциядә бронза алды! Семенны, барсын да котлыйм!» – дип язды Башкортстан Башлыгы Радий Хәбиров социаль челтәрдәге сәхифәсендә.

Алтын наградага – Көньяк Кореядан Хван Дэ Хон, көмеш медальгә Канададан Стивен Дюбуа лаек булды.

Семен Елистратов – 2014 елда эстафетада олимпия чемпионы, 2018 елгы Олимпия уеннарында бронза призёр, 2015 елда дөнья чемпионы, дөнья чемпионатларында ике тапкыр көмеш призёр, дөнья чемпионатларында биш тапкыр бронза призёр; күп тапкыр Европа чемпионы; 1000 метрлык дистанциядә Дөнья кубогын яулады. Бу исә Семённың карьерасында дүртенче Олимпиада.

«Башинформ» мәгълүмат агентлыгы.

Габдулла Вафин  әзерләде.

Фото ачык чыганаклардан алынды.