Шикәрне башка төбәкләргә чыгару туктатыла

«Ретейлерлар билгеләвенчә, соңгы дүрт көндә шикәргә сорау – 2,3, ә кайдадыр 5 тапкырга арткан, – дип белдерде Башкортстанның сәүдә һәм хезмәтләр министры Алексей Гусев. – Сүз дефицит хакында бармый, күп җитештерүчеләр товарны вакытында китереп, бушатып өлгерми. Шул ук вакытта ретейлерлар ихтыяҗны тәэмин итү өчен шикәр сатып алу күләмен берничә тапкырга арттырды».

Әйткәндәй, Башкортстан – чөгендер шикәре җитештерү буенча алдынгы төбәкләр исәбендә. Былтыр республикабызның шушы продукт белән үз-үзен тәэмин итү кимәле 200%ка җиткән.

«Башинформ» мәгълүмат агентлыгы.

Габдулла Вафин  әзерләде.

Фото ачык чыганаклардан алынды.