Льготалылар өчен даруларга кытлык булмаячак

Сәламәтлек саклау министры билгеләвенчә, Русиядә титаннан һәм башка материаллардан медицина изделиеләре әзерләгән производстволар җитәрлек.

«Алар җитештерелә, мәсьәлә ассортимент сәясәтен киңәйтүгә кайтып кала», – дип хәбәр итте ТАСС Михаил Мурашконың сүзләренә сылтанма белән.

Министр билгеләвенчә, Русиядә хәзер кайбер даруларга сорауның нормадан 10 тапкырга күбрәк булуы күзәтелгән.

«Иң гаҗәбе шул: препаратларның яраклылык вакыты бар. Кайберләренең ике ел гына. Бу даруларны билгеле бер вакыт эчендә эчеп бетеп булмый бит», – диде ул. Шулай ук Мурашко ил төбәкләрендә льготалылар өчен дару запасы ярты елга диярлек җитәрлек икәнен әйтте.

«Башинформ» мәгълүмат агентлыгы.

Габдулла Вафин  әзерләде.

Фото ачык чыганаклардан алынды.