Урман янгыннарына каршы көрәшкә әзербез

«Майның тәүге декадасында Башкортстанда 20 урман янгыны теркәлгән.  Җиде муниципаль районда ут чыгуга юл куелган. Урман янгыннары авылларга күчмәгән. Хәзерге вакытта янгыннар юк», – диде Фәрит Гомәров.

Башкортстан Башлыгы Радий Хәбиров «уяу булырга кирәклеген» әйтте.

«Янгыннар булыр, моңа объектив һәм субъектив сәбәпләр бар. Коры яшеннәр дә, кешеләрнең җавапсызлыгы да. Безнең бурыч – янгынны вакытында ачыклап, сүндерү. Әгәр ярдәм, барыбызны да җәлеп итәргә кирәк икән, шунда ук хәбәр итегез, – диде Радий Хәбиров Фәрит Гомәровка, шулай ук муниципалитет башлыкларына мөрәҗәгать итте. – Бер авылга да янгын барып җитмәскә тиеш, бу – сезнең шәхси җаваплылыгыгыз».

«Башинформ» мәгълүмат агентлыгы.

Габдулла Вафин  әзерләде.

Фото ачык чыганаклардан алынды.