Спортзал яхшырачак

2023 елда Максимгорький исемендәге токымчылык заводының  үзәк усадбасы авыл мәктәбе спортзалын юнәтү планлаштырылган. Бу мәктәптә  БР Бәләбәй муниципаль районы башлыгы  Азат Сәхәбиев булды. Ул авыл биләмәсеннән 89 бала укыган уку йортындагы шартлар белән танышты.

Әлегә БР Мәгариф һәм фән министрлыгына бу проектта катнашу өчен заявка җибәрелгән. Аны гамәлгә ашырыр өчен барлык кимәлдәге бюджетлардан 160 мең сумнан артык акча каралган.

Проект кысаларында спорт залының ике тәрәзә блогы, керә торган ишек, чишенү бүлмәсенә һәм спортзалга ишекләр алыштырылачак.