Кыш бабай поезды Башкортстанның нинди шәһәрләрендә туктый?

Бәйрәмчә бизәлгән күчмә резиденция Русия тимер юллары буйлап 33 мең чакрым юл үтәчәк. Поезд маршруты Байкал-Амур, Транссебер магистральләре, Үзәк Русия һәм Себернең 130дан артык шәһәре аша узачак.

Башкортстанга  Кыш бабай поезды 7 декабрьдә килеп җитә. Шул көнне ул – Уфада, 8 декабрьдә –  Белоретта тукталачак.

“Кыш Бабай поезды тукталыш ясаган һәр шәһәрдә вокзалга килүчеләрне артистлар һәм аниматорлар катнашлыгында күңел ачу программасы көтә. Поезд Кышкы әкият иленә чумарга мөмкинлек бирәчәк", –  дип белдерделәр Куйбышев тимер юлы матбугат хезмәтендә.