Башкортстанда Тәэминә Биктимерова «Татар хатын-кызлары мәгърифәт юлында» лекциясен укыды

Чираттагы очрашуда тарих фәннәре кандидаты, Татарстанның атказанган мәдәният хезмәткәре, күренекле җәмәгать эшлеклесе Тәэмин Биктимерова булды. Бу турыда Бөтендөнья татар конгрессының матбугат хезмәте хәбәр итте.

«Татар хатын-кызлары мәгърифәт юлында» дигән темага багышланган лекцияне милләттәшләребез бирелеп, тәэсирләнеп тыңлады, Казаннан килгән галимәгә үзләрен кызыксындырган сорауларны җиткерде. Әлеге чарада Бөтендөнья татар конгрессы Башкарма комитеты җитәкчесенең беренче урынбасары – Россия Федерациясе төбәкләрендәге татар иҗтимагый оешмалары белән эшләү комитеты җитәкчесе Марс Тукаев катнашты, диелә хәбәрдә.